Wasiirka Gaashaandhigga, Mudane Axmed Macallin Fiqi, oo uu weheliyo Taliyaha Ciidanka Xoogga Dalka Soomaaliyeed, Sarreeye Guuto Ibraahim Maxamed Maxamuud, ayaa kormeer ugu tegay cutubyo ka tirsan Ciidanka Xoogga Dalka Soomaaliyeed iyo Ciidamada deegaanka ee ku sugan deegaanka Wargaadhi ee gobolka Shabeellada Dhexe.
Wasiirka ayaa Ciidamada ku bogaadiyey Howlgalada ka dhanka ah Alshabaab, isagoo ku adkeeyey inay sii laba jibbaaraan dadaalladooda si dalka looga saaro kooxda Alshabaab iyo dardargelinta hawlgallada lagu xaqiijinayo amniga iyo xasilloonida dalka.
Dhankiisa, Taliyaha Ciidanka Xoogga Dalka Soomaaliyeed, Sarreeye Guuto Ibraahim Maxamed Maxamuud, ayaa ciidamada ku ammaanay heegankooda iyo diyaar-garowgooda, isaga oo ku boorriyey inay sii xoojiyaan wada-shaqeynta, isku-duubnida iyo fulinta waajibaadkooda qaran si loo gaaro guulo waara.
