Siyaasiyiin kasoo jeeda deegaanada Koonfur Galbeed ayaa la sheegay in loo diiday safar ay ku tagi lahaayeen magaalada Baydhabo, waxaana taagan khilaaf u dhaxeeya Madaxweyne Lafta Gareen iyo Siyaasiyiinta mucaaradka maamulkaasi.
Siyaasiga Maxamed Shiine oo ka faallooda arrimaha Siyaasadda ayaa Wareysi uu siiyay Somali Cable waxa uu kaga hadlay xiisada dhinacyada Koonfur Galbeed, Shiine waxa uu sheegay in mucaaradka koonfur Galbeed marnaba aysan tagi Karin Baydhabo oo aysan kusoo bandhigi Karin olole doorasho iyo aragti ka duwan Lafta Gareen.
Waxa uu Wareysiga ku sheegay Siyaasi Maxamed Shiine in Lafta Gareen iyo Xasan Sheekh ay wada socdaan iskuna Siyaasad ka yihiin Arrimaha maamulka Koonfur Galbeed.
