Madaxweynaha Turkiga Recep Tayyip Erdogan ayaa khadka taleefanka kula hadlay Madaxweynaha Isutagga Imaaraadka Carabta Sheikh Mohamed bin Zayed Al Nahyan, iyagoo ka wada hadlay xoojinta xiriirka labada dal iyo arrimo muhiim ah oo ku saabsan gobolka iyo caalamka.
Erdogan ayaa sheegay in Turkigu si buuxda u taageersan yahay midnimada, wadajirka iyo madaxbannaanida dalalka Yemen iyo Soomaaliya, isla markaana uu diyaar u yahay ka qeyb-qaadashada dadaallada lagu xaqiijinayo nabad iyo xasillooni waarta.
Sidoo kale, Madaxweynaha Turkiga ayaa carrabka ku adkeeyay in Ankara ay ka shaqeynayso joojinta masiibada bani’aadamnimo ee ka taagan Gaza, isagoo ku baaqay in si degdeg ah loo bilaabo dib-u-dhiska Marinka Gaza.
