Madaxweynaha Dowladda Koonfur Galbeed Mudane Cabdicasiis Xasan Maxamed Laftagareen ayaa Guddoomiyey shir looga hadlayey xoojinta Amniga Degmada Waajid ee Gobolka Bakool.
Shirka waxaa ka qeybgalay Wasiiro, Maamulka Degmada Waajid iyo saraakiisha laamaha Amniga qeybahooda kala duwan kuwaas oo si qoto dheer uga wada hadlay xaaladda guud ee Amniga, caqabadaha jira iyo tallaabooyinka lagu xoojinayo Nabadgelyada Degmada.
Madaxweynaha ayaa adkeeyey muhiimadda ay leedahay iskaashiga laamaha amniga iyo bulshada, isagoo faray saraakiisha amniga in ay dardar geliyaan howlgallada lagu sugayo Amniga isla markaana la xoojiyo wada-shaqeynta Shacabka si looga hortago falalka Amni darrada.
