Ciidanka Hay’adda Sirdoonka iyo Nabadsugidda Qaranka (NISA) oo kaashanaya Saaxiibada caalamka ayaa howlgal culus oo lala beegsaday kooxda Alshabaab waxa ay ka fuliyeen degmada Bu’aale ee Gobolka Jubbada Dhexe.
Howlgalkan ayaa lagu bartilmaameedsaday guri ay ku shirayeen horjoogeyaal sare oo ka tirsan Alshabaab, waxaana saraakiisha NISA ay sheegeen in la helay xog la xiriirta horjoogayaasha kadibna la fuliyay howlgalka oo ahaa mid qorsheysan, waxaa jira khasaare dhimasho ah oo soo gaaray horjoogayaal iyo xubno kale, iyadoo sidoo kale la sheegay in la burburiyay saanad ciidan oo ay la haayeen kooxda Alshabaab.
