Shirkadda Hormuud Telecom ayaa ku guuleysatey Abaalmarinta AfriSAFE ee shirkadda Isgaarsiinta Sannadka, taas oo lagu guddoonsiiyay Shirweynaha Badbaadada Afrika oo ka dhacay magaalada Mombasa ee dalka Kenya.
Abaalmarintan ayey shirkadda ku muteysatey xaqiijinta bedqabka shaqaalaha iyo macaamiisha, dhiirrigelinta iyo xuquuqsiinta shaqaalaha shirkadda, iyo kaalinta ay ka qaadatay ilaalinta deegaanka, hirgelinta nidaamyada casriga ah ee badbaadada, bixinta adeegyo casri ah oo la isku halleyn karo, iyo doorka hoggaamineed ee ay ka qaadatay samafalka iyo horumarinta nolosha bulshada Soomaaliyeed.
Waa guul taariikhi ah oo ay Hormuud dadka iyo dalka Soomaaliyeed uga soo hoyday abaalmarintan oo ay ku tartameen shirkadaha isgaarsiinta ee ugu waaweyn Afrika.
