Hoggaamiyaha ku meel-gaarka ah ee Dowladda Koonfur Galbeed Mudane Jibriil Cabdirashiid Xaaji Cabdi ayaa guddoomiyay shirka golaha wasiirrada oo looga hadlay xaaladda guud ee ka jirta deegaannada Koonfur Galbeed.
Shirka ayaa si gaar ah diiradda loogu saaray arrimaha amniga, doorashooyinka, xaaladaha bini’aadantinimo iyo dadaallada horumarineed ee ka socda deeganada koonfur galbeed.
Hogaamiye Jabriil iyo Golaha Wasiirada ayaa shirka Golaha Wasiirada kaso saaray Awaamiir ku saabsan xaalada guud ee deeganada koonfur Galbeed.
1-Buun-BuuninFalalka Guracan ee Khawaariijta.
Golahu waxa uu isku raacay In aan Afhayeen loo noqonnin khawaarijta ee la buun buunin Ficiladooda Guracan.
2- Xad gudubka Madaxa Qaranka
Golahu waxa uu isla gartay in madaxda qaranka aan la aglagaadayn karin Qiyamkooda, maadaama ay Xambaarsan yihiin Mas’uuliyad Qaran.
3-Xakamaynta Hubka Magaalada.
Golahu waxaa isku Raaceen in wax hub ah lagu dhexwadan karin Magaalada Dhexdeeda oo aan ka aheyn kuwa Lagu Sugayo Amniga Magaalada iyo kuwa lagu ilaaliyo Madaxda dowlada
4-Xisbiyada Tartamayo
Golahu waxee isla Fahmeen in Xisbiyada Tartamaya ay Sameysan karaan Olalahooda siyaasadeed, iyagoo wargelindoono Hay’addaha Amniga si looga wada Shaqeeyo Amniga iyo Nabad-gelyada Magaalada.
Mudane Jibriil Cabdirashiid Xaaji ayaa ku adkeeyay xubnaha golaha wasiirada in la dardargeliyo shaqooyinka muhiimka ah ee u adeegaya shacabka, isla markaana la xoojiyo iskaashiga hay’adaha dowladda si loo gaaro xasillooni iyo horumar waara.
